Chámome Ana e son una rapaza galega afincada na Coruña. Cursei a maioría dos meus estudos nesta cidade comezando por la carreira de Logopedia na UDC – Universidade da Coruña. A motivación para escoller esta formación baseouse no meu afán de axuda cara os demais. Continuando pola mesma rama social e buscando completar a miña formación académica decidín estudar Psicoloxía na USC – Universidade de Santiago de Compostela.
O meu primeiro contacto co mundo laboral (en consonancia cos meus estudos) foron as prácticas que realicei en distintos centros xerontolóxicos da cidade herculina para posteriormente desenrolar unha estreita colaboración co Departamento de Psicoloxía do Concello de Culleredo (A Coruña). Neste departamento realicei diversas actividades aínda que a maioría delas tiñan como obxectivo proporcionar un soporte informativo e emocional tanto para as familias coma para os nenos do Concello.
A partires deste momento o meu crecemento laboral deu un xiro de 180º graos cambiando radicalmente de posto de traballo. Desta experiencia saquei coñecementos moi variados e experiencias que me fixeron crecer como persoa.
No ano 2013 decidín embarcarme no meu propio proxecto persoal e laboral (psicóloga e logopeda no meu propio centro) para así deste xeito poder facer o que me gustaba, traballar pola mellora dos demais. Foron anos de moito traballo e esforzo pero xa se sabe que cando alguén fai o que lle gusta o traballo, non é traballo.
En setembro do 2019 decidín facer o Máster en Orientación Educativa impartido pola UNIR (Universidade da Rioxa) para así ampliar os meus horizontes laborais no ámbito educativo. Con Máster rematado e satisfeita polo resultados e coñecementos obtidos embárcome nesta nova aventura #POLAB20 – Posgrao en Especialización en Orientación Laboral na que espero aprender desfrutando.
Despois desta achega a miña formación académica e á miña andadura profesional gustaríame falar un pouco de min, desa persoa que fala polos cóbados, inqueda por natureza e que sempre estará aí para o que faga falta. Gústame rir e desfrutar das pequenas cousas coma un paseo pola praia ou o tempo cos meus. Dentro das miñas afeccións estaría o baile así coma a pintura. Como mostra desta última déixovos algunhas “das miñas obras” (moi vario pintas):
Título: "Atardecer"
Título: "Mujer"
O meu avatar
Presentación do meu a avatar en Twitter
En canto os meus gustos musicais, como no caso da pintura son moi variados, pero nesta ocasión ainda non sexa un tema cañero gústame moito esta canción a piano xa que me proporciona a serenidade que preciso nalgúns momentos, espero que vos guste - Yiruma - River Flows In You.
Para rematar gustaríame deixarvos a referencia deste libro que me gustou moito, El Alquimista de Paulo Coelho.
Ana